تحضير الاطفال لمرحلة الروضة (Pre-School)

pre-school

مرحلة الروضة اوbaby class او pre-school دي مرحلة مهمة للاطفال و فيها بيتغير حاجات كتيرة سلوكهم تفكيرهم و تصرفاتهم.

و مرحلة ال pre-school دي ليها مميزات كتيرة

  • مكان مناسب للاطفال يلعبوا فيه و يتفاعلوا مع بعض
  • يتعلموا الحروف، الارقام و الالوان و و انشطة يدوية
  • الاطفال بتتعلم المشاركة، احترام القواعد، الاعتماد على النفس و الليونة في التعامل مع                      الاطفال المختلفين
  • بتساعد على بناء شخصية الطفل
  • بتهيئ الطفل لمرحلة الKG و الانتقال من بيئة صغيرة (البيت) لبيئة اكبر و اوسع

تعالوا نشوف شوية افكار تحضر بيها طفلك لمرحلة الروضة baby class او pre-school

    1. الالعاب: الاطفال بتتعلم اسرع من اللعب و يفضل لو حد عايز يجيب هدية لطفلك في اي مناسبة، الاب و الام يقولولهم تكون العاب تعليمية افضل puzzle او الوان، اشكال الحروف و الارقام و اشياء من هذا القبيل
    2. مشاركة الاهتمام: يعني تعودي طفلك يكون صبور، مش اول لما الطفل يطلب حاجة تتعمل في ساعتها او حتى لو عايز يقول حاجة و الام مشغلومة في حاجة تانية يستنى لما تخلص الاول و الطفل يتعود على كده مع كل الاشخاص
    3. يلعب مع مجموعات: لو فيه امكانية ان الطفل يروح نادي و يدخل لعبة جماعية، يتعود على الاطفال التانية و يلعبوا مع بعض ممكن مكتبة عامة او مكان مخصص لتجمع الاطفال.
    4. البقاء مع الجد او الاقارب: ممكن من وقت للتاني تسيبي الطفل مع الجد و الجدة او الاقارب، تقوي علاقة الطفل بأهله و كمان الطفل يتعود على انك مش موجودة فيتهيئ انه يدخل الروضة اللي مش هتكوني موجودة فيها
    5. الروتين: المفروض ان الطفل هتبع روتين معين في الpre-school، حاولي اني كمان تحطي روتين في البيت زي مثلا( مواعيد للنوم، غسل الايد قبل و بعد الاكل، الاكل على السفرة و هكذا ) علشان الطفل يكون متعود على الروتين ده و يكون اسلوب حياه.
    6. رحلة صغيرة: اخرجي مع طفلك في رحلة ميدانية صغيرة و يفضل من غير العربية الخاصة، الطفل يشوف الناس التانية و ميكنش عنده رهبة او خوف من اشخاص جديدة
    7. نمّي مهارة الاعتماد على النفس: الاطفال لما بيروحوا الpre-school بيعتمدوا على نفسهم كتير، فنمّي الموضوع عندهم حتى في البيت زي مثلا يحاولوا يلبسوا هدومهم لوحدهم، يحضروا السفرة معاكي و هكذا.
    8. ربط الشعر: تأكيد على ربط الشعر للاطفال اللي شعرهم طويل، لو بنتك متعودة انها تبقى سايبها عوديها انها تبقى ربطاه علشان الPre-School بيشددوا على ربط الشعر علشان الصحة و الامان.
    9. تنظيم و ترتيب العابهم: علمي اولاد بعد اللعب يرتيبوا و يضعوا كل حاجة في المكان المخصص ليها.
    10. طوري من ثقة الطفل في نفسه: اتكلمي مع الطفل كتير و التعامل مع الاطفال التانية هيحسن من كلامة و الحروف هتتطلع صح اكتر
قبل ما تمشي لو بتقدم لاولادك للمدرسة او حضانة او محتار تختار ايه او مش عارف المدارس في مصر كويس. 
ادخل على الموقع ده EasySchools 
و تابعنا على السوشيال ميديا علشان تعرف كل جديد عن المدارس.

Reference: Huffingtonpost

Summary
تحضير الاطفال لمرحلة الروضة  (Pre-School)
Article Name
تحضير الاطفال لمرحلة الروضة (Pre-School)
Description
مرحلة الروضة اوbaby class او pre-school دي مرحلة مهمة للاطفال و فيها بيتغير حاجات كتيرة سلوكهم تفكيرهم و تصرفاتهم و مرحلةال pre-school دي ليها مميزات كتيرة هنحاول نتكلم عن شوية منها و هنتكلم عن التحضير للفترة دي
Author
Publisher Name
EasySchools
Publisher Logo

You May Also Like

About the Author: admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *