نصائح لتحضير طفلك للمقابلة في المدرسة (school interview)

children interview success

هنتكلم عن شوية  نصائح نعملها لاول مقابلة لطفلك في المدرسة (Interview) 

  • ابحث عن المدرسة كويس اعرف كل اللي تقدر عليه متوافر على النت و السوشيال ميديا
  • حضر نفسك قبل طفلك، حاولوا تحضروا سيناريوهات للمقابلة و ايه الاسئلة اللي ممكن تتسأل و لو اول مرة تقدم لطفلك في المدرسة ممكن تسألوا اصحابكم و الناس اللي ليا تجارب في المقابلات المدرسية
  • حاول و انت رايح المقابلة تكون الملابس شبه لبس المدرسة و اكيد مش زيه بالظبط بس يكون قريب ده بالنسبة للابن يعني مثلا لو التيشرت بتاع المدرسة احمر الولد يلبس تيشرت احمر و بالنسبة للاب و الام يبقى كلاسيك بلاش الهدوم المقطعة
  • بلاش التوتر لأن التوتر هيتنقل للطفل و هيكون هو كمان متوتر و في الاخر مش هيعرف يكون على طبيعته في المقابلة حتى لو كان شاطر في الحضانة بس بالتوتر مش بعيد يدخل من باب المدرسة متوتر اصلاً، ثقوا في نفسكم و طفلك و انقلوا الثقة دي ليه هيكون كويس جدا و هيدخل اي مدرسة انتم عايزينها
  • لما تبدأ رحلتك في المدرسة بلاش تبين اي انطباع سئ عن المدرسة او تقول تعليق مش لطيف، خلي افكاراك جواك و بعد كده قرر في البيت اذا كانت مدرسة مناسبة ولا لأ علشان مين عارف ممكن تطلع اكتر مدرسة مناسبة ليك وضاعت بسبب تعليق قولته  او انطباع بينته. فخلوا بالكم
  • بلاش نفاق يعني لو اتسألتوا ايه هوايتكم و اهتمامتكم مش لازم تحسسهم انك نجيب محفوظ ولا انتِ لميس جابر
     (مع حفظ الالقاب) خليكم طبيعيين حتى لو كانت الاهتمامات دي رياضة او مزيكا او سفر قولوا الحقيقة و            ربنا يستر

نيجي بقى للاسئلة اللي ممكن تتسأل في المقابلة المدرسية للاب و الام

parents interview
  • كلمني شوية عن نفسك و علتك؟
  • اهتماماتك؟
  • اخر كتاب قريته؟
  • ليه اخنرت المدرسة دي ؟
  • الاب و الام بيشتغلوا ايه؟
  • بتعملوا ايه في وقت الفراغ؟
  • فيه اي مشاكل صحية للطفل ؟

(ندخل بقى على الاسئلة اللي ممكن تتسأل للطفل خصوصًا (بعد الحضانة

child interview
  • عد لحد 10.
  • اكتب اسمك.
  • تعرف على بعض الارقام و الحروف.
  • تعرف على الالوان.
  • ارسم بعض الاشكال.
  • بعض المدارس بيخلوا الاطفال يلعبوا في مكان معين و  يبدأوا في ملاحظة الاطفال و تصرفاتهم و تعاملهم مع بعض

في الاخر: لو كل اب و ام عودوا من الاول عودوا اطفالهم على النظافة الشخصية باستمرار و على طول بيذاكروا معاهم و بينقشوهم و بيتكلموا معاهم و مش مهملين فيهم هيكون الانترفيو ولا يفرق مع الطفل و الاب و الام و الكل هيعدي بسهولة

قبل ما تمشي لو بتقدم لاولادك للمدرسة و محتار تختار ايه او مش عارف المدارس في مصر كويس. 

ادخل على الموقع ده EasySchools

و تابعنا على السوشيال ميديا علشان تعرف كل جديد عن المدارس.

Summary
نصائح لتحضير طفلك للمقابلة في المدرسة (school interview)
Article Name
نصائح لتحضير طفلك للمقابلة في المدرسة (school interview)
Description
مش عارف تحضر ابنك او بنتك للمقابلة المدرسة، او مش عارف اي اللي ممكن تتسأل فيه و مش عارف تحضر نفسك هنا في EasySchool هنحاول نسعدك انك تاخد فكرة عامة و شوية نصايح عن ال school interview في المدرسة و تحضرلها ازاي و تحضر ابنك او بنك ازاي و و كمان الموقع بتاعنا هيساعدك انك تلاقي المدرسة المناسبة لاولادك
Author
Publisher Name
EasySchools
Publisher Logo

You May Also Like

About the Author: admin

2 Comments

  1. ما هو ميعاد التقديم للسنة الدراسية ٢.١٨-٢.١٩ لفصل prejardin في مدرسة سان جبرائيل الاسكندرية من فضلك؟

    1. مساء الخير يا فندم
      مدرسة سان جبرائيل بتقبل الاطفال من بعد 4 سنين و نصف و التقديم عمومًا بيبدأ من شهر 6 و لكن حضرتك بتكلميهم في شهر 5 لتحديد ميعاد.
      بالنسبة للمصاريف حضرتك بتعرفيها بالظبط لما حضرتك تسحبي الاستمارة لكن اللي اقدر افيد حضرتك بيه ان السنة اللي فاتت كانت 7.500
      و حضرتك ممكن تدخلي على اللينك ده علشان تعرفي اكتر عن المدرسة سان جبرائيل بالإسكندرية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *