10 نصائح لتنظيم وقت المذاكرة و الدراسة

time organize

نصائح هتساعدك في تنظيم وقت الدراسة و المذاكرة

هنتكلم النهاردة عن شوية افكار لتنظيم الوقت للمذاكرة و الدراسة و عمل جدول يساعدك انك تنجز اكتر و اسرع سواء للمدرسة او الجامعة او الشغل 
في خلاصة كده هنتكلم عن
   1- رتب اولاوياتك
   2- حدد مذكرتك
   3- نظم جدولك
   4- وقت لنفسك
   5- اسلوب مذكرتك
   6- التزم بالجدول
   7- عرف اصحابك
   8- شوف النتيجة
   9- حفّز نفسك
   10- خالي الموبايل المساعد بتاعك

الاولوية:

اول حاجة اكتب كل حاجة عايز تذكرها او حتى تقرأ فيها، بعد كده رتبهم حسب الاولوية ايه المفروض يتذاكر و يخلص الاول و مين التاني و هكذا.

حدد هتذاكر ايه:

بعد ما كتبنا كل المواد اللي عايزين نذاكرها، نحدد هنذاكر ايه في كل مادة، مش لازم تفضل تذاكر 4 او 5 ساعات مادة واحدة ممكن تقسمها اجزاء، الاجزاء المهمة تذاكرها الاول و ممكن تدخل على مادة تانية. الموضوع ده مش هيحسسك بالممل و الزهق و انت بتذاكر و هتلاقي نفسك ذاكرت وقت اطول و كميات اكتر و تحصيل احسن.

الجدول:

اعمل جدول زي جدول المدرسة، قسم الاسبوع لمربعات و خصص كل مربع للمادة او المواد اللي عايز تذاكرها في اليوم ده ، الفكرة هنا انك هتعود نفسك على الروتين ده كل يوم في الميعاد ده هذاكر المادة دي. لحد ما هتلاقي الموضوع بقى عادة عندك ، و يفضل ان وقت الدراسة من 30 ل 45 دقيقة و 10 دقائق راحة تفصل فيها بس بلاش الراحة بتعتك تكون على الفيس البوك او الواتس اب او انك تتفرج على فيلم مثلًا، ممكن تأكل فاكهه او تعمل كوباية شاي او تقف في البلكونة شوية و ترجع تكمل مذاكرة تاني.

وقت لنفسك:

وسط زحمة الاسبوع بالمذاكرة ماتنساش تكون عامل حساب وقت لنفسك خلال اليوم، وقت للنوم، وقت تخرج فيه مع اصحابك، وقت للعائلة، وقت للتمرين او وقت لممارسة اي نشاط انت بتحبه.

طريقة المذاكرة:

لكل واحد ليه طريقة مذاكرة معينة و كل طريقة بتختلف في الوقت عن التانية فخلي بالك و انت بتحدد وقت المادة فيكون الوقت مناسب لطريقة مذاكرتك

التزم بالجدول:

طبعًا اصعب حاجة  الالتزام بالجدول اللي عملته و اتعود عليه و بلاش كسل، و بمجرد انك تمشي عليه و تخليه روتين فبعد كده هيكون اسلوب حياه و هتكون عايز تذاكر و تعرف معلومات جديدة

كلّم اصحابك عن الجدول:

اتكلّم مع اصحابك عن الجدول و عرفهم انك هتكون مشغول في الاوقات دي و صعب انك تخرج معاهم علطول و تحاول تظبّط وقت الخروج معاهم على الميعاد اللي تكون فاضي فيه.

النتيجة:

كل اخر اسبوع شوف انت حصلت ايه و الخطة اللي ماشي عاليها فعّالة و لا لأ، محتاج تغير حاجة في الجدول، كسلت ولا مشيت على الجدول اللي عامله…. وهكذا، حاسب نفسك قبل ماحد يحسبك في الاخر ده مستقبلك و مفيش حد هيسعدك فيه.

التحفيز:

اخر حاجة اعمل لنفسك محفزات او حط هدف لنفسك، انا هذاكر علشان اوصل للهدف ده ممكن يكون الهدف ادخل جامعة كبيرة (ممكن بمنحة دراسة تدخل الجامعة الامريكية او الالمانية و تكون معفي من المصاريف) او الهدف ده شغل معين بتحبه و عايز تتعلمه او حتى حد بتحبه و عايز تكون شخص احسن او حتى تكون احسن لنفسك، كل واحد عنده حاجة بتحفزه حطها في الجدول تشوفها علطول تبقى قدام عينك علشان لو جيت في وقت و حسيت بالكسل او مش عايز تذاكر تفتكر الهدف بتاعك و تقوم تذاكر.

خلي الموبايل المساعد بتاعك:

طبعًا كل واحد الموبايل معاه في كل مكان  فاممكن تنزل عليه برامج تساعدك في تنظيم الجدول بتاعك و تفكرك لو نسيت حاجة ادخل على اللينك ده
 time management apps علشان تعرف اشهر و احسن البرامج اللي ممكن تساعدك في الموضوع ده

قبل ما تمشي لو بتقدم لاولادك للمدرسة و محتار تختار ايه او مش عارف المدارس في مصر كويس. 
ادخل على الموقع ده EasySchools
و تابعنا على السوشيال ميديا علشان تعرف كل جديد عن المدارس.
Summary
10 نصائح لتنظيم وقت المذاكرة و الدراسة
Article Name
10 نصائح لتنظيم وقت المذاكرة و الدراسة
Description
هنتكلم النهاردة عن شوية افكار لتنظيم وقت المذاكرة و عمل جدول يساعدك انك تنجز اكتر و اسرع في خلاصة كده هنتكلم عن رتب اولاوياتك، حدد مذكرتك، نظم جدولك، وقت لنفسك، اسلوب مذكرتك، التزم بالجدول، عرف اصحابك، شوف النتيجة، حفّز نفسك، خالي الموبايل المساعد بتاعك
Author
Publisher Name
EasySchools
Publisher Logo

You May Also Like

About the Author: admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *